Georgia Online-ի փոխանցմամբ՝ Վրաստանում Անակլիայի խորջրյա նավահանգիստը կկառուցի JSC ANAKLIA DEVELOPMENT CONSORTIUM կոնսորցիումը, որի մեջ մտել են վրացական TBC Group և ամերիկյան The Conti Group ընկերությունները։
Համապատասխան որոշումն ընդունվել է Անակլիայի խորջրյա նավահանգստի կառուցման մեկ տարի առաջ հայտարարված մրցույթի արդյունքներով, որոնք հրապարակվել են այսօր։ Մրցույթի վերջին փուլին մասնակցել են նաև չինական ու բրիտանական կոնսորցիումները։
Ինչպես ծրագրված է, Անակլիայի խորջրյա նավահանգստի տարեկան բեռնաշրջանառությունը կկազմի 100 միլիոն տոննա։ Շինարարությունը կընթանա մի քանի փուլով՝ կապված նավահանգստի հնարավորությունների աստիճանական ընդլայնման հետ։ Շինարարության ավարտի հստակ ժամկետները չեն հաղորդվել։