Բելգիայի իշխանությունները մտադիր են մեծացնել ոստիկանության ու հատուկ ծառայությունների աշխատակիցների թիվը ահաբեկչական սպառնալիքի դեմ պայքարի համար՝ հայտնում է The New York Times-ը։
Համաձայն ծրագրի, որը ներկայացվել է Բելգիայի ներքին գործերի նախարար Յան Յամբոնի կողմից, 4 տարվա ընթացքում կասկածելի ակտիվությանը հետևելու համար կվարձվի հավելյալ 1000 ոստիկան։
Հատուկ ուշադրություն կդարձվի Բրյուսելի առավել վտանգավոր շրջաններին, ինչպիսին է Մոլենբեկ կոմունան, որտեղ ապրել են Փարիզում նոյեմբերի 13-ին ահաբեկչություններ իրականացրած 7 մահապարտներից 3-ը։
Տեղի ոստիկանությունը պետք է հետևի կասկածելի քաղաքացիներին, մզկիթներին և աղոթատեղիներին։ Բացի այդ, ոստիկանության աշխատողները կանցնեն արմատականորեն տրամադրված քաղաքացիների ի հայտ բերման հատուկ ուսուցում։
Հաղորդվում է, որ այդ նպատակների համար իշխանությունները պատրաստ են կրկնապատկել հակաահաբեկչական ծրագրի ֆինանսավորումը մինչև 446 մլն դոլար։
