Անջելինա Ջոլիի մարմնին կան բազմաթիվ դաջվածքներ, որոնք նա հավաքել է դեռահաս տարիքից` Հոլիվուդում կարիերան սկսելու պահից, հայտնում է dailymail.co.uk-ը: Սակայն 40-ամյա օսկարակիրը դեռևս չի դադարել դրանք ավելացնելուց:
Կիրակի օրը Բրեդ Փիթի կինը Կամբոջայում իր նոր First They Killed My Father («Սկզբում նրանք սպանեցին իմ հորը») պատերազմական դրամայի նկարահանումների ժամանակ ցուցադրել է երեք նոր դաջվածք` բոլորն էլ արված թիկունքին:
Երկու նոր դաջվածքները բուդդայական խորհդանիշ և մանտրա են, որոնք, ենթադրաբար, պաշտպանություն են ապահովում: Երրորդ դաջվածքը խորհրդանիշեր պարունակող խորանարդ է, որը գտնվում է նրա թիկունքի մեջտեղում: Այն խորհրդանշում է լավ գործերը: Այդ դաջվածքից հետո ծիսական երգեր են կատարում լավ գործերի շարունակման համար: