Իրանական Tasnim լրատվական գործակալության փոխանցմամբ՝ Իրանը միջուկային գործարքի միջոցով Արևմուտքի սպառնալիքները վերածել է իր համար հնարավորությունների։ Այդ մասին հայտարարել է Իրանի նախագահ Հասան Ռուհանին։
Նա այդ հայտարարությունն արել է այն պաշտոնյաների պարգևատրման արարողության ժամանակ, որոնք մասնակցել են Գործողությունների համատեղ համապարփակ համալիր պլանի (JCPOA, կամ միջուկային գործարք) իրագործմանը։
Ռուհանին հայտարարել է, որ իր վարչակազմը միջուկային բանակցություններում գործել է Իրանի գերագույն առաջնորդ, այաթոլլահ Ալի Խամենեիի առաջնորդած սկզբունքներով. «Իսլամական հանրապետությունը իր նվաճումների համար պարտավոր է գերագույն առաջնորդի սկզբունքներին։
Իրանը հետպատժամիջոցային ժամանակաշրջանում ներկրելու է ոչ միայն ապրանքներ, այլև օտար ներդրումներ ու տեխնոլոգիաներ։ Իրանը պլանավորում է օտար գործընկերների հետ համագործակցության օգնությամբ նոր շուկաներ ստանալ»։