Երեկ՝ փետրվարի 7-ին, ողբերգական դեպք է տեղի ունեցել Երևանում: Ինչպես հայտնում է shamshyan.com-ը, Մուրացանի հիվանդանոցում մահացել է Արտաշատ քաղաքի բնակիչներ՝ ամուսիններ, 30-ամյա Սիմա Եփրեմյանի ու Մակար Անտոնյանի նորածին երեխան:
shamshyan.com-ի հետ զրույցում Մ. Անտոնյանը հայտնեց, որ իր նորածին երեխան բժիշկների անփութության պատճառով է մահացել:
Հունվարի 29-ին իր կինը՝ Ս. Եփրեմյանը, ով գտնվում էր հղիության վերջին շրջանում, հերթական կոնսուլտացիայի է գնացել Արտաշատի հիվանդանոց, որտեղ նրան զննում են և ասում, որ հնարավոր է՝ հենց այդ օրն էլ մնա հիվանդանոցում, սակայն բժիշկը՝ տիկին Զեմֆիրան, վստահեցնում է, որ մինչև ծննդաբերությունը դեռ 6 օր կա և ուղարկում է Սիմա Եփրեմյանին տուն: «Կգաս փետրվարի 3-ին»,-ասել է բժշկուհին Ս. Եփրեմյանին:
Ամուսինը ասում էր, որ նույն օրը, գիշերը կնոջ մոտ թեթև ցավեր են առաջանում, սակայն առավոտյան ցավերն ուժեղանում են և նրան շտապ հասցնում են Արտաշատի հիվանդանոց, որտեղ երեխան ծնվում է: Նա ասում էր նաև, որ երեխան հետույքային դիրքում է եղել և բժիշկները պարտավոր էին Կեսարյան հատման եղանակով երեխային օգնեին լույս աշխարհ գալ, բայց երեխան մեծ դժվարությամբ ծնվել է բնական ճանապարհով, ինչի պատճառով էլ ուղեղի վնասվածք է ստացել, ինչպես նաև պորտալարը փաթաթված է եղել պարանոցին:
Մանրամասները՝ shamshyan.com-ում
