Միգրացիայի միջազգային կազմակերպությունում հայտնել են, որ այս տարի, ինչպես 2015 թվականին, Եվրոպա ժամանող ներգաղթյալների և փախստականների թիվը կարող է հասնել 1 միլիոնի։ Այս մասին փոխանցում է TASS գործակալությունը։
«Մենք մեծ փոփոխություններ չենք տեսնում այն պայմաններում, որոնք ստիպում են մարդկանց լքել հայրենիքը, այդ դեպքում ինչո՞ւ պետք է փոխվեն արդյունքները։ Մեկ միլիոնը (2016 թվականի համար), անշուշտ, խելամիտ կանխատեսում է թվում»,- ասել է կազմակերպության պաշտոնական ներկայացուցիչ Ջոել Միլմանը։
Նրա խոսքով՝ դեպի Եվրոպա փախստականների հոսքի զգալի կրճատման վրա կարող է ազդել Սիրիայում ռազմական գործողությունների ավարտը։