Հանրապետական կուսակցությունից ԱՄՆ նախագահի պաշտոնին հավակնող միլիարդատեր Դոնալդ Թրամփը պատմել է, որ չէր առաջադրվի պետության ղեկավարի պաշտոնում, եթե 2014-ին իրեն հաջողվեր ձեռք բերել Ազգային ֆուտբոլային լիգայի Buffalo Bills ակումբը: Այս մասին հաղորդում է ABC News-ը:
«Եթե ես գնեի այդ թիմը, ապա չէի անի այն, ինչով զբաղվում եմ այժմ»,- ասել է Թրամփը: Նա ընդգծել է, որ չի զղջում կատարվածի համար, քանի որ նախընտրական արշավին մասնակցելը շատ ավելի հետաքրքիր է, քան թիմի գործերով զբաղվելը:
Գործարարը հստակեցրել է, որ պատրաստվում էր թիմը գնել մեկ միլիարդ դոլարով, սակայն մեկ այլ գնորդ ավելի բարձր գին է առաջարկել: