Գերմանիայի կանցլեր Անգելա Մերկելն ու Ֆրանսիայի նախագահ Ֆրանսուա Օլանդը Ստրասբուրգում հանդիպման ընթացքում քննարկել են միգրացիոն ճգնաժամն ու դրա կարգավորման հնարավոր ուղիները։ Այս մասին հայտնում է Reuters-ը՝ հղում անելով աղբյուրին։
Գործակալության զրուցակցի խոսքով՝ երկու պետությունների ղեկավարները համակարծիք են Եվրահանձնաժողովի կողմից ընդունված գործողությունների ծրագրի առաջնահերթությանը։ Այդ ծրագիրը իր մեջ ներառում է Հունաստանի սահմաններին իրավիճակի վերահսկման համար օգնություն և ֆինանսական օգնության հատկացում Թուրքիային՝ դեպի Եվրոպա փախստականների հոսքը սահմանափակելու համար։
Մերկելն ու Օլանդը քննարկել են նաև փետրվարի 18-19-ը Բրյուսելում կայանալիք ԵՄ գագաթնաժողովի հիմնական թեմաները։ Բացի այդ, նրանք անդրադարձել են սիրիական ճգնաժամին և «ընդհանուր մտահոգություն» հայտնել երկրում տեղի ունեցող իրադարձությունների առնչությամբ։