«Ես երբեք չեմ համարի հանրահավաքները սպառված մեխանիզմ, այլ բան է, որ պետք է միշտ ճիշտ ընտրել հանրահավաքի անցկացման ժամանակը և նպատակները: Երբ որ դրանք ճիշտ են ընտրվում, համահունչ են քաղաքական իրավիճակին, ժողովրդի ակտիվությանը, հասուն քաղաքական գործընթացին, ուրեմն պետք է կազմակերպել հանրահավաքը»,- «Առաջին լրատվական»- ի հետ զրույցում ասաց ՀԱԿ խմբակցության ղեկավար Լևոն Զուրաբյանը:
Լևոն Զուրաբյանի դիտարկմամբ՝ կան հանրահավաքներ, որոնք պետք է արվեն անկախ քաղաքական գործընթացից. «Օրինակ Մարտի 1-ի հանրահավաքը զուտ խորհրդանշական իմաստո ունի: Մենք դա անում ենք, որովհետև բոլորիս պարտքն է զոհվածների հիշատակի առջև, բոլորիս պարքն է ընդգծելու մեր բողոքը սեփական ժողովրդի վրա կրակող իշխանության դեմ:
Մարտի 1-ին Ազատության հրապարակում հանրահավաք կազմակերպելու մասին ազդարարել է նաև «Նոր Հայաստան» հանրային փրկության ճակատը: Լ. Զուրաբյանի հավաստմամբ՝ «Նոր Հայաստան»-ի հետ հանրահավաքի կազմակերպման հետ կապված պայմանավորվածություն չունեն: «Մենք մեր ծրագիրն ունենք, ամեն տարի կազմակերպել ենք»:
ՀՀԿ խմբակցության ղեկավարի կարծիքով՝ մարտի 1-ին հերթական անպտուղ, անարդյունք հանրահավաքն է լինելու: «Այդ մարդկանց համար ամեն ինչն է անիմաստ, անիմաստ է այն ամենը, ինչը նրանց խանգարում է… »,- նշեց Լ. Զուրաբյանը:
Մանրամասները՝ տեսանյութում: