Կիրակի օրը Մեծ Բրիտանիայի ավելի քան 80 մզկիթներ իրենց դռները կբացեն ոչ մուսուլմանների համար՝ իսլամի մասին բացասական պատկերացումները ցրելու հույսով: Այս մասին հաղորդում է BBC-ն:
Ակցիան կազմակերպել է Բրիտանիայի մուսուլմանական խորհուրդը:
Այդ կազմակերպության ներկայացուցիչների խոսքերով՝ նրանց անհանգստացնում է այն, որ իսլամիստների զինված հարձակումները շատ մարդկանց ստիպում են զգուշորեն վերաբերվել իսլամին:
Մզկիթ հրավիրված մարդիկ կկարողանան տեսնել, թե ինչպես են անցնում աղոթքները, կլսեն տեղեկատվություն կրոնական հիմունքների մասին կամ ուղղակի մեկ բաժակ թեյ կխմեն: