Հայաստանում առևտուրն 80 տոկոսով նվազել է, արագ տեմպով նվազում են նաև տրանսֆերտները: «Տրանսֆերտների նվազումը լուրջ ազդեցություն է թողնում նաև ապրանքաշրջանառության վրա, մարդկանց գնողունակությունն ընկնում է,- «Առաջին լրատվական»- ի հետ զրույցում այս մասին ասաց ԱԺ Տնտեսական մշտական հանձնաժողովի նախագահ Վարդան Այվազյանը:
Վարդան Այվազյանի կարծիքով՝ ԵՏՄ անդամակցության քաղաքական որոշումը միանշանակ ճիշտ էր. «ԵՏՄ-ում գտնվելը մեզ լրջագույն հնարավորություններ է տալիս: Մեր հարևան երկրներում, որոնք ԵՏՄ անդամ չեն, ազգային արժույթի 40-50 տոկոս անկում է գրանցվել, իսկ մեր դրամը կայուն է մնացել»:
Անդրադառնալով Հայաստանի պետական պարտքին, որն արդեն հատել է 5 միլիարդ դոլարի սահմանը, Վարդան Այվազյանը նշեց. «Այսօր ամբողջ աշխարհքն է մեկը մեկից պարտք վերցնում ծրագրեր իրականացնելու համար, շատ կարևոր է, թե ինչի համար ենք վերցնում, թե ինչպես է դա օգտագործվում»: Վ. Այվազյանի կարծիքով՝ եթե վճարունակ չլինեինք մեզ վարկ չէին տրամադրի: Նրա խոսքով՝ մեր տնտեսական անկումները Ռուսաստանով չեն պայմանավորված, պայմանավորված են աշխարհում ընթացքող գործընթացներով:
Մանրամասները տեսանյութում: