Ավստրիայի կանցլեր Վերներ Ֆայմանը հայտնել է սահմանների վերահսկողության հետագա ուժեղացման մասին:
Դա տեղի կունենա այն դեպքում, եթե Անկարան չհետևի ավստրիացի քաղաքական գործչի ցանկությանը, որի համաձայն՝ Թուքրիան պետք է հետ ընդունի փախստականներին, որոնք սահմանը հատում են ծովով:
«Եթե Թուրքիան ասի, թե նա ինքը կպաշտպանի իր սահմանները, և այդ դեպքում սահմանով անցնի ոչ թե 20 հազար, այլ 10 հազար մարդ, դա չի լինի ընդունելի որոշում: Այդ ժամանակ ստիպված կլինենք կիրառել պլան Բ-ն: Եվ չնայած անձամբ ես դա չեմ ցանկանում, սակայն մենք ստիպված կլինենք ավելի լավ ամրապնդել մեր սահմանները»,- հստակեցրել է Ֆայմանը:
Նա խոսքով՝ իրավիճակը պետք է հստակեցվի մինչև փետրվարի 18-ը, երբ անցկացվի ԵՄ խորհրդի նիստը:
«Հակառակ դեպքում մենք պետք է մեծացնենք մեր սահմանների պաշտպանությունը: Ներքին սահմանների պաշտպանությունը ծայրահեղ միջոց է, բայց մենք պետք է դրան պատրաստ լինենք: Ժամանակը ճնշող է»,- հավելել է նա:
