Թուրքիայի նախագահ Ռեջեփ Թայիփ Էրդողանի թիկնապահներն Էկվադորում դաժանաբար ծեծել են 3 կին ակտիվիստներին, որտեղ Էրդողանը գտնվում է երկօրյա պաշտոնական այցով, գրում է RT-ն:
«Էկվադորի մայրաքաղաք Կիտոյում Ազգային հետազոտությունների կենտրոնում նրա ելույթի ժամանակ երեք ակտիվիստներ ի նշան բողոքի` Թուրքիայի հարավ-արևելքում քրդերի վրա հարձակումների, սկսել են բացականչել «Մարդասպան»»,- ասվում է հոդվածում:
Դրանից հետո Էրդողանի անվտանգության ծառայության աշխատակիցները կանանց կոպտորեն դուրս են բերել սրահից, իսկ դրա սահմաններից դուրս դաժանաբար ծեծլ: Ակտիվիստուհիները ոստիկանությունում բողոքել են` նշելով, որ Թուրքիայի նախագահի թիկնապահները հարվածել են իրենց դեմքին: