Այսօր «Ալաշկերտ»-ն իր արտասահմանյան հավաքի առաջին ստուգողական խաղն է անցկացրել՝ մրցելով Հունգարիայի Մերկանտիլ Բանկ Լիգայի ներկայացուցիչ «Սիոֆոկ» թիմի հետ:
Գլխավոր մարզիչ Աբրահամ Խաշմանյանը խաղն սկսել է առաջնությունում հանդես եկող մարտական կազմով: Թիմը նկատելի տարածքային և խաղային առավելություն է ունեցել և մինչև ընդմիջում երկու գոլ է խփել. 8-րդ և 31-րդ րոպեներին դրանք հեղինակել են Միհրան Մանասյանն ու Արտակ Եդիգարյանը: Կարող էին աչքի ընկնել նաև Արարատ Առաքելյանն ու Հեբեր Արաուխոն, սակայն նրանց հարվածներից հետո գնդակը հետ է մղվել մրցակցի դարպասաձողից:
Ընդմիջումից հետո Աբրահամ Խաշմանյանն ամբողջովին փոխել է կազմը՝ խաղադաշտ մտցնելով հավաքին մասնակցող բոլոր ֆուտբոլիստներին: Հունգարացի ֆուտբոլիստներին հաջողվել է մեկ պատասխան գնդակ խփել: Արդյունքում՝ 2:1 հաշվով առավելության է հասել «Ալաշկերտ»-ը:
«Ալաշկերտ» ՖԱ մամուլի քարտուղարություն
Լուսանկարները՝ թիմի ֆեյսբուքյան էջի:
