Գյումրիում ավերիչ երկրաշարժի հետքերը դեռևս չեն վերացել, այսօր էլ այնտեղ կան անօթևաններ և տնակներում բնակվող ընտանիքներ: Գյումրիում անօթևանության խնդիրը գոնե կարիքավորներից մի մասի համար լուծելու նպատակով գյումրեցի լուսանկարիչ Հայկ Բարսեղյանի նախաձեռնությամբ սկսվել է բարեգործական միջոցառումների համալիր ծրագիր:
«Տարիներ շարունակ բնություն էի նկարում, բայց այնօթևանների խնդրի կողքին բնության սիրունությունը չի երևա: Սկսեցի լուսանկարել ծայրահեղ աղքատ անօթևաններին, որոնք ուղղակի շների նման կապրին»,- «Առաջին լրատվական»- ի հետ զրույցում ասաց «Երևանը Գյումրիի կողքին է» նախաձեռնության անդամ, լուսանկարիչ Հայկ Բարսեղյանը:
«Երկու շաբաթ առաջ որոշեցինք դրամահավաք կազմակերպել՝ հույս դնելով միջազգային հանրության վրա: Եթե մենք հասնենք համաշխարհային «շուխուռին», կկարողանանք էդ գումարը հավաքել, խոսքը 175 000 դոլարի մասին է,- հույս հայտնեց գյումրեցի լուսանկարիչը:
Նախաձեռնության արդյունքում նախատեսվում է բնակարանով ապահովել 13 անօթևան ընտանիքի:
Մանրամասները՝ տեսանյութում:
