Որոշ քաղցրեղեններ չափավոր քանակի դեպքում չեն ազդում արյան մեջ շաքարի մակարդակի վրա և քաշ չեն ավելացնում: Այս մասին հայտնում է glavnoe.ua-ն:
Ագավայի նեկտարը 1,5 անգամ քաղցր է շաքարից: Թեև այն համարվում է ավելի օգտակար, քան շաքարը, պետք է նկատի ունենալ, որ 90%-ով ֆրուկտոզա է:
Մալտոզան (ածիկի շաքար) պարունակվում է հացահատիկային բույսերի հասած հատիկներում, գարեջրում, կվասի, մեղրի, ածիկի, մրգահյութով պատրաստված հացաբուլկեղենի և հրուշակեղենի մեջ, դրանք ոչ մեծ քանակությամբ ոչ մի կերպ չեն ազդում արյան մեջ շաքարի մակարդակի վրա:
Լակտոզա (կաթնաշաքար) պարունակվում է բոլոր կաթնամթերքներում՝ բացի կաթնաշոռից և պանրից:
Սորբիթը բնական քաղցրացուցիչ է, որը պարունակվում է շատ մրգերում: Այն 2-3 անգամ պակաս քաղցր է, քան շաքարը, և չի ազդում արյան մեջ գլյուկոզայի մակարդակի վրա:
Քսիլիտը ստանում են բույսերից: Այն չի ազդում արյան մեջ գլյուկոզայի մակարդակի վրա, սորբիթից 2 անգամ քաղցր է:
Ասպարտամը շաքարի փոխարինիչ է (200 անգամ քաղցր է դրանից) դիետիկ ըմպելիքներում: Այն կալորիա չունի, բայց տաքացնելու դեպքում թունավոր է դառնում:
Գալակտոզան մթերքներում ազատ վիճակում չի հանդիպում: Այն դիսախարիդ է ձևավորում լակտոզայի հետ՝ կաթի և կաթնամթերքի հիմնական ածխաջուրը: