Լոս Անջելեսի նավահանգստի մոտ օդում 2 ոչ մեծ ինքնաթիռ օդում բախվել ու ընկել են Խաղաղ օվկիանոսը, ներկայումս փրկվածների մասին տեղեկություններ չկան: Այս մասին հայտնում է Associated Press-ը՝ հղում անելով տեղի իշխանություններին:
ԱՄՆ ափային պահպանության տեղեկությամբ՝ բախումը տեղի է ունեցել տեղի ժամանակով 15.30-ին (մեր ժամանակով՝ 03.30):
FOX Los Angeles հեռուստաալիքի հաղորդմամբ՝ ինքնաթիռներում եղել են 2 տղամարդ և 1 կին:
Դեպքի վայրում կատարվում է որոնողա-փրկարարական գործողություն, աշխատում են ջրասույզներ և հրշեջներ: Մուտքը Լոս Անջելեսի նավահանգիստ փակ է տրանսպորտի համար:
Կատարվում է տեղի ունեցածի հետաքննություն, ներկայումս դեպքի պատճառները պարզված չեն:
