Սեռով պայմանավորված հղիության ընդհատումների թվով Հայաստանը երրորդն է աշխարհում Ադրբեջանից և Չինաստանից հետո, որի հետևանքով մեր երկրում ավելացել է արական սեռի ներկայացուցիչների թիվը: Մինչև 19 տարեկանների շրջանում 100 աղջկա դիմաց ծնվում է 112 տղա:
Առողջապահության ազգային ինստիտուտի տվյալներով՝ հղիության արհեստական ընդհատումների կեսից ավելին կատարվում է, ոչ թե առողջական խնդիրների պատճառներով, այլև սեռով պայմանավորված:
Լյուսին յոթ ամիս առաջ դուստր է ունեցել, անունը Սոֆի է, մականունը՝ բողբոջիկ: Փոքրիկը տան արևն է, վստահեցնում է Լյուսին:
Աղջիկ ունենալու լուրն այս ընտանիքին շատ է երջանկացրել, բայց Լյուսին պատմում է տղա երեխայի ծնունդին սպասող, բայց դուստր ունեցած ծնողների հետ հանդիպման մասին։
Վերջին տարիներին Հայաստանի տարբեր հասարակական կազմակերպություններ, լրատվամիջոցներ և պարզապես ծնողներ, կազմակերպում են զանազան ֆլեշմոբեր, ակցիաներ ու միջոցառումներ սեռով պայմանավորված հղիության ընդհատումների դեմ: Լյուսին պայքարի այս միջոցների հետ այնքան էլ համաձայն չէ։
Սելֆի աղջկաս հետ. սա վերջին օրերի ֆեյսբուքի հայկական տիրույթի նոր նախաձեռնությունն է աղջիկ երեխաների ծնողների կողմից: Աստղերը և սովորական ծնողները ֆեյսբուքում տեղադրում և տարածում են իրենց դստրերի հետ լուսանկարները ։ Հաղորդագրություն ապագա ծնողներին. Աղջիկ երեխան երջանկություն է: Սա է իրենց դստրերով երջանկացած ծնողների այսօրվա ուղերձը։
Տղուց տղա, լավ տղուց աղջիկ, ժողովրդական ասացվածքի սկզբունքով ուրախանում և ոգեշնչվում են նորածին աղջիկների ծնողները: