«Բնականաբար բոլոր տանը մնացածները նման հայտարարություններ են անում, եթե իրենց առաջարկ չի արվում, այդպես են մտածում»,- ԱԺ այսօրվա ճեպազրույցում ասաց ՀՀԿ խմբակցության ղեկավար Վահրամ Բաղդասարյանը՝ անդրադառնալով ՀԱԿ խմբակցության ղեկավար Լևոն Զուրաբյանի արտահայտությանը:
Հիշեցնենք՝ ԱԺ-ում ճեպազրույցների ժամանակ Լևոն Զուրաբյանը՝ անդրադառնալով ՀՀԿ-ՀՅԴ բանակցություններին՝ նշել էր. «ՀՀԿ-ն ու ՀՅԴ-ն ամեն օր «ամուսնանում» կամ «բաժանվում» են, փոխանակում են ինչ-որ մեղադրանքներ, ներում են իրար, հետո նորից են նեղանում: Վատ չեն մտածել, եթե մտածել են մի քիչ զվարճացնել մեր ժողովրդին, բայց մի վտանգ կա, որ դա արդեն կարող է դառնալ ձանձրացնող գործընթաց: Ես կոչ եմ անում, որ սցենարիստները նոր, հետաքրքիր սյուժեներ մտածեն այդ շարունակվող ռոմանսի մեջ»: