«Մեր կուսակցությունում եղել են նախնական քննարկումներ այն մասին, որ միգուցե արժե ընդունել ՀՀԿ-ի բաց առաջարկը՝ ուղղված բոլոր քաղաքական ուժերին և այս փուլում գնալ համագործակցության: Մեր որոշ գործընկերներ թաքուն չեն ասել, հրապարակային հայտնել են իրենց այս տեսակետը: Ես և իմ մի քանի գործընկերներ այլ տեսակետ ունենք, որ ԲՀԿ-ն որևէ կոալիցիա չպետք է գնա մինչև 2017թ. խորհրդարանական ընտրությունները: Կարծում եմ դա ավելի ազնիվ կլինի, բացի դրանից՝ չի կարող արդյունավետ լինել մեկ տարվա կոալիցիան:
Այսօր արդեն կա վերջնական որոշում, որ որևէ ֆորմատով, անկախ նրանից՝ անունը կլինի կոալիցիա, կլինի վարդուշ թե հայկուշ, ԲՀԿ-ն չի գնա համագործակցության: ԲՀԿ-ն պատրաստվում 2017-ի ընտրություններին»,- այսօր ԱԺ ճեպազրույցում այս մասին ասաց ԲՀԿ խմբակցության ղեկավար Նաիրա Զոհրաբյանը:
Մանրամասները՝տեսանյութում: