Փարիզի ահաբեկչությունների ենթադրյալ կազմակերպիչ Աբդելհամիդ Աբաուդը, ով ավելի ուշ Ֆրանսիայի մայրաքաղաքի արվարձանում հատուկ գործողության ընթացքում ոչնչացվել է, Եվրոպա էր ժամանել փախստականների խմբի կազմում, որում եղել են ահաբեկչական ցանցի 90 այլ անդամներ: Այս մասին գրում է Wall Street Jorunal-ը:
Սոնյա կեղծանվան ներքո թաքնվող կինը հայտարարել է, որ հանդիպել է Աբաուդի և նրա զարմուհու՝ Ասնա Աիթ Բուլասենի հետ նոյեմբերի 13-ի ահաբեկչություններից հետո: Նրա խոսքով՝ Աբաուդն իրեն հայտնել է, որ ԵՄ է եկել առանց փաստաթղթերի՝ փախստականների խմբում, որոնց թվում եղել են ահաբեկչական ցանցի մոտ 90 անդամներ:
Պարբերականը՝ հղում անելով արևմտյան հատուկ ծառայություններին, նշում է, որ Եվրամիության երկրներ, այդ թվում՝ Ֆրանսիա, Գերմանիա, Իսպանիա և Մեծ Բրիտանիա են ներթափանցել Աբաուդի խմբից 50-60 ենթադրյալ գրոհայիններ:
