«Այս ամբողջ նիստում վարողները կարծես թե չարաշահում էին իրենց դիրքը գնահատականներ տալու, ռեպլիկներ տալու… Եթե բան ունեք ասելու, դուք էլ եք մեզ նման պատգամավոր, վերցրե՛ք ժամանակ, վերցրե՛ք ելույթի համար իրավունք և արտահայտվեք, ոչ թե ամեն րոպե մեկնաբանեք մեր ասածները: Սա ոչ թե պառլամենտարիզմի կուլտուրա է, այլ պառլամենտարիզմի անկուլտուրականություն է, որը պետք է հաղթահարվի»,- ելույթի սկզբում իր վրդովմունքն արտահայտեց ՀԱԿ խմբակցության ղեկավար Լևոն Զուրաբյանը:
Անդրադառնալով վարկային համաձայնագրին՝ Լ. Զուրաբյանը նշեց. «Այստեղ շատ հստակ փաստարկներ բերվեցին: Ես համաձայն եմ, որ մաթեմատիկան և տրամաբանությունը ճշգրիտ գիտություններ են, և եթե մի բան կա, որ իսկապես չի կարելի քաղաքականացնել, դա մաթեմատիկան է և տրամաբանությունը. սա խնդրում եմ փոխանցեք Գալուստ Սահակյանին: Քաղաքական որոշումներ այդ ուղությամբ կայացնել չի կարելի:
Եզրակացությունը չի անցել, և բնականաբար այս քննարկումը տեղի է ունենում օրենքի խախտումով»:
Մանրամասները՝ տեսանյութում:
