«Քննարկումներն ընթանում են, դեռևս որևէ հարց հստակեցված չէ,- «Առաջին լրատվական»- ի հետ զրույցում ասաց ԱԺ ՀՀԿ խմբակցության քարտուղար Գագիկ Մելիքյանը՝ անդրադառնալով ՀՀԿ-ՀՅԴ համագործակցության շուրջ ընթացող բանակցություններին: -Այս համագործակցությունը եթե կայանա, դա մեր ժողովրդին կտա քաղաքական կայունություն և շանս՝ տնտեսական առաջընթացի համար»:
Անդրադառնալով Ա. Ռուստամյանի այն հայտարարությանը, որ ՀՀԿ-ն հեղինակազրկված է, Գ. Մելիքյանը նշեց, որ որևէ քաղաքական ուժ կամ գործիչ իրավունք չունի ՀՀԿ-ի նկատմամբ նմանատիպ հայտարարություն անելու. «ՀՀԿ-ն Հայաստանի ամենաազդեցիկ և հզոր քաղաքական ուժն է, և ինքն է այսօր թելադրում քաղաքական օրակարգ:
Ցանկացած քաղաքական ուժում, այդ թվում՝ ՀՀԿ-ում կարող են լինել պատեհապաշտներ, որոնց գործունեությունը կարող է ստվերել նաև քաղաքական ուժի նկատմամբ վստահությունը»:
Մանրամասները՝ տեսանյութում:
