Սփյուռքահայերի կողմից դրամական փոխանցումներն օգտագործել երեխաներին առնչվող ոլորտներին: Այս նպատակով Սփյուռքի նախարարության կողմից համաժողով էր կազմակերպվել, որին մասնակցում էին ՄԱԿ-ի մանկական հիմնադրամն ու Եվրոպական միության պատվիրակությունը: Ծրագիրն իրականացվելու է Եվրամիության ֆինանսավորմամբ, մանրամասնեց Սփյուռքի նախարարը՝ չնշելով, սակայն, ֆինանսավորման չափը: Դա, ըստ նախարարի, կախված է ծրագրի ծավալներից:
Արձագանքելով այն մտահոգություններին, որ սփյուռքահայերը խուսափում են Հայաստանում ներդրումներ կատարելուց՝ երկրում առկա կոռուպցիոն դրսևորումների և անբարենպաստ պայմանների հետևանքով, նախարարը վստահեցրեց՝ կառավարությունն ու սփյուռքի նախարարությունը անում են հնարավորը միջավայրի կայունացման համար:
Քիչ չեն այն դեպքերը, երբ սփյուռքահայ ներդրողները Հայաստանում բախվել են խնդիրների, հատկապես դատական համակարգի հետ առնչվելիս: Փաստաբան Նիկոլայ Բաղդասարյանը փաստում է՝ Հայաստանում դադարեցվել են խոշոր ներդրումները: Պետությունը պետք է կատարի քայլեր՝ ներդրողների համար երաշխիքներ ապահովելու նպատակով, նկատում է փաստաբանը: