2015 թվականի արդյունքներով՝ Չինաստանից կապիտալի արտահոսքն աճել է 7 անգամ և դարձել առավելագույնը դիտարկումների ողջ պատմության ընթացքում՝ 1 տրիլիոն դոլար։ Այս մասին հայտնում է Bloomberg գործակալությունը՝ հղում անելով սեփական տվյալներին։
Դեկտեմբերին ներդրողները Չինաստանից դուրս են բերել 158.7 մլրդ դոլար, ինչը 50 մլրդ դոլարով ավելի է, քան նոյեմբերին։ Համեմատության համար նշվում է, որ կապիտալի արտահոսքը ողջ 2014 թվականին կազմել է 134.3 մլրդ դոլար։
Կապիտալի նման ակտիվ արտահոսքը վերլուծաբանները կապում են Չինաստանի ժողովրդական բանկի որոշման հետ՝ հետևելու յուանի փոխարժեքին ոչ թե դոլարի, այլ համաշխարհային արժույթների զամբյուղի նկատմամբ։ Արտահոսքը կարող է կապված լինել նաև երկրի տնտեսության աճի տեմպերի դանդաղման նշանների հետ։