Արևմտյան երկրները, ինչպիսին է Գերմանիան, ուրախությամբ էին ընդունում նավթի գների անկումը, որը նրանց տոն էր թվում, սակայն այժմ նրանք սկսում են հասկանալ, որ գլոբալ տնտեսական ապակայունացումը բումերանգ է՝ գրում է Frankfurter Rundschau-ն:
Նավթահումքի գներով են պայմանավորված ոչ միայն միլիոնավոր մարդկանց եկամուտները, այլև կառավարությունների ճակատագրերը և քաղաքական հավասարակշռությունը այնպիսի տարածաշրջաններում, ինչպիսիք են Լատինական Ամերիկան և Աֆրիկան: Էժան նավթը կարող է դժգոհություն առաջացնել նաև առանց այն էլ փխրուն երկրներում և միջազգային տարածությունում ստեղծել նոր պայթյունավտանգ գոտիներ:
«Հումքային ճգնաժամի հետևանքով արմատապես փոխվում է աշխարհում քաղաքական կարգը»,- նշում է բրիտանական քոլեջի պրոֆեսոր Մայքլ Քլեփը: