Ռուսական 102-րդ ռազմաբազայում այս պահին ընթանում է գյումրեցի Ավետիսյանների ընտանիքի սպանության գործով երրորդ դատական նիստը:
Նիստի սկզբում տուժողի իրավահաջորդի ներկայացուցիչ Լուսինե Սահակյանը միջնորդեց, որպեսզի ռուսական կողմը տուժողների փաստաբաններին տրամադրի նախաքննության ընթացքում պարզված մի շարք էական հանգամանքներ, որոնք անհրաժեշտ են դատաքննությունն անցկացնելու համար. մասնավորապես՝ ծառայության անցնելու, ծառայությունից առաջ նրա առողջական վիճակի վերաբերյալ ի հայտ եկած մանրամասներ: Դատավորը հետաձգեց միջնորդությունը, թեպետ այս միջնորդությանը միացավ նաև մեղադրվողի ներկայացուցիչը:
Քիչ առաջ մեղադրող դատախազը ընթերցեց մեղադրանքը: Պերմյակովն իրեն ամբողջությամբ մեղավոր ճանաչեց:
Լուսանկարը՝ Photolure-ի
