Միջազգային էներգետիկ գործակալության գործադիր տնօրեն Ֆաթիհ Բիրոլը ենթադրում է, որ ընթացիկ տարում նավթի գների պահպանումը մոտ 30 դոլար մեկ բարելի դիմաց մակարդակի վրա կարող է շատ արդյունահանող երկրների ստիպել բարեփոխել իրենց նավթագազային ոլորտները և ամբողջ տնտեսությունը: Այս մասին նա ասել է Դավոսյան համաժողովի կուլուարներում Bloomberg-ին տված հարցազրույցում:
«Եթե նավթի գները մնան 30 դոլար մեկ բարելի դիմաց մակարդակի վրա (2016 թ.), և եթե նայենք Մերձավոր Արևելքի երկրների ՀՆԱ-ին, այն կարող է կրճատվել 20%-ով, դա ՀՆԱ-ի մեկ հինգերորդն է: Դա շատ կարևոր է: Եթե գները մնան նույն մակարդակի վրա, ես ենթադրում եմ՝ արդյունահանող երկրներից շատերը ստիպված կլինեն բարեփոխումներ կատարել տնտեսությունում, էներգետիկ ոլորտում և դրա սահմաններից դուրս»,- ասել է Բիրոլը:
«2016 թ. մենք կշարունակենք նավթի էժանացմանը հանգեցնող ճնշում տեսնել: Բայց 2016 թվականից հետո մենք կարող ենք բարձր գին վճարել 2 տարի շարունակ ներդրումների նվազեցման համար»,- հավելել է Բիրոլը: