ԿԲ նախկին նախագահ Բագրատ Ասատրյանը, «Առաջին լրատվականի» հետ զրույցում մեկնաբանելով վերջին օրերին դրամի արժեզրկման փաստը, նշեց, որ 2-3% արժեզրկումը, այն էլ` կարճ ժամանակահատվածում, պետք չէ լուրջ ընդունել: Ըստ տնտեսագետի`ընդհանուր առմամբ դրամի էական արժեզրկման համար հիմքեր չկան: «Ինչպես որ 6 ամիս առաջ ես նշել էի, թե դրամի փոխարժեքը ընդհանուր առմամբ կայուն կլինի (մի քանի տոկոսի արժեւորումը կամ արզեզրկումը էական չէ), այնպես էլ այժմ կարծում եմ, որ մինչեւ տարեվերջ դրամի փոխարժեքը ընդհանուր առմամբ էական տատանումների չի ենթարկվի»,- նշեց ԿԲ նախկին նախագահը: