«Անկախ ամեն ինչից, հանդիպումների խիստ անհրաժեշտությունը կա,- այս մասին անկախ պատգամավոր Խաչատուր Քոքոբելյանն ասաց «Առաջին լրատվական»-ի հետ զրույցում՝ անդրադառնալով Սարգսյան-Ալիև հանդիպմանը,- այս հանդիպումները հնարավորություն են ստեղծում կողմերի մոտեցումների ավելի իրար մոտ բերելու և բանակցային գործընթացին միս և արյուն հաղորդելու համար»:
Պատգամավորը նշեց նաև, որ հանդիպումների շարքը ցույց է տալիս, որ կան հերթապահ հայտարարություններ, որոնց համաձայն՝ բոլոր կողմերը կողմնակից են խաղաղ բանկացային գործընթացին Մինսկի խմբի շրջանակներում, բայց դրան անմիջապես հաջորդում է Ադրբեջանի՝ այլ սկզբունքներից ելնելով մոտեցումները. «Ադրբեջանը միջազգային ամենաբարձր հարթակներում զբաղված է դեմագոգիայով»:
Անդրադառնալով Մինսկի խմբի հայտարարությանը՝ Խ. Քոքոբելյանը նշեց, որ խիստ կարևոր է համարում Մինսկի խմբի, եռանախագահողների դիրքորոշումը. Նրանք երբեմն ոչ ադեկվատ վերաբերմունք են ցուցաբերում բուն պրոցեսին: Միայն հայտարարությունները և միայն դիտարկումները բավարար չեն միջազգային քաղաքական կոնֆլիկտները լուծելու համար. «Ադրբեջանական կողմը՝ իրենց ղեկավարի գլխավորությամբ, պետք է յուրաքանչյուր օր իրենց թիկունքում զգային ճնշում՝ գործադրված միջազգային հանրության կողմից, այլապես այս գործընթացը ավելի կզարգանա՝ ի վնաս խաղաղության»:
Մանրամասները՝ տեսանյութում:
