Նավթի ամենաէժան տեսակների գինը նվազել է՝ հասնելով մեկ բարելի դիմաց 20 դոլարի։ Այս մասին հայտնում է Bloomberg գործակալությունը։
Մեքսիկական նավթի գինը հասել է 11 տարվա նվազագույն ցուցանիշին՝ 18 ամսվա ընթացքում արժեզրկվելով 73 տոկոսով։
Իրաքյան նավթն Ասիայում վաճառվում է 25 դոլարով։ Կանադայի արևմտյան մասում որոշ արտադրողներ վաճառում են իրենց նավթը 22 դոլարից էլ ցածր գնով։
Նավթի համաշխարհային արդյունաբերության ավելի քան 1/3-ը այդ գներով տնտեսապես շահավետ չէ՝ հայտնում են վերլուծաբանները։
Նշվում է, որ նավթի գները հասել են 2009-ի համաշխարհային ֆինանսական ճգնաժամի մակարդակին՝ աշխարհում առաջարկի գլոբալ ավելցուկի ֆոնին։
Brent նավթի գինը իջնում է երկրորդ շաբաթն անընդմեջ՝ հասնելով 37 դոլարի։
