«Մինչ դիտորդի կարգավիճակ ստանալը մենք նախաձեռնեցինք համագործակցությունը, հավատալով, որ գտնելու ենք ընդհանրականը, և դրա շուրջ համախմբվելու է ողջ ազգը, ժամանակի ընթացքում տեսանք, որ հետին նկատառումներ ունեն: Դրա պատճառով որոշեցինք դիտորդի կարգավիճակ ստանալ»,- «Առաջին լրատվական»-ի հետ զրույցում նշեց ԱԻՄ առաջնորդ Պարույր Հայրիկյանը՝ անդրադառնալով «Նոր Հայաստան»-ի հետ համագործակցությանը:
«Եթե այսպիսի լպիրշություն ունեցան իշխանությունները, դա նաև նրանից է, որ, այսպես կոչված, ընդդիմությունը չկարողացավ միավորվել: Ես դրանցից ոչ մեկի հետ հույս չեմ կապում, դրանք բոլորը ծախված են. եթե ծախված չեն Սերժին, ապա ծախված են Սերժի տերերին, եթե նրանց ծախված չեն, ծախված են իրենց ստոր նկատառումներին: Մեկի համար սա ազգի ճակատագիր է, մյուսի համար սա փող աշխատելու միջոց է: Ստոր նկատառումներով ազգին չես կարող ծառայել»,- նշեց ԱԻՄ առաջնորդը:
