2015 թվականին Ֆրանսիայի քաղաքացիների 14%-ը գտնվել է աղքատության շեմից ցածր մակարդակում: Համաձայն Ֆրանսիական վիճակագրության և տնտեսության հետազոտության ազգային ինստիտուտի` այդպիսի ցուցանիշ երկրում դիտարկվել է երկրորդ տարին անընդմեջ, հայտնում է Thepocal-ը:
Միաժամանակ, Ֆրանսիայի վիճակը համեմատած ԵՄ մյուս առաջատար երկրներին, ավելի լավ է: Նույն ցուցանիշը Գերմանիայում և Մեծ Բրիտանիայում է՝ 16%:
Եվրոպայում աղքատության մակարդակը որոշվում է ոչ թե եկամուտների մակարդակով, այլ նյութական բարիքների առկայությամբ: Eurostat-ը (Եվրոպական վիճակագրակայն գործակալությունը) առանձնացնում է 9 տեսակի հիմնական նյութական բարիքներ, որոնք վկայում են եվրոպացու կյանքի միջին մակարդակի մասին: Դրանց թվում են նվազագույնը երկու օրը մեկ անգամ մսով սնվելու հնարավորությունը, ավտոմեքենայի, լվացքի մեքենայի, հեռուստացույցի, հեռախոսի առկայությունը, նվազագույնը մեկ շաբաթյա արձակուրդի տնից հեռու անցկացնելու հնարավորությունը, բնակարանում համապատասխան ջերմության պահպանելու հնարավորությունը և այլն: Եթե դրանցից երեքը բացակայում է, ապա ընտանիքը համարվում է աղքատ:
Ինչպես գրում է Politeka-ն, ԵՄ երիտասարդ մարդկանց (18 տարին չլրացած) մոտ մեկ երրորդը գտնվում է աղքատության շեմին կամ սոցիալապես մեկուսացված վիճակում:
