ՆԱՏՕ-ի ԱԳՆ ղեկավարները որոշում են ընդունել, որ հիբրիդային հարձակումները կարող են հանգեցնել ՆԱՏՕ-ի հավաքական պաշտպանության մասին հոդվածի գործի դրվելուն: Այս մասին հայտարարել է գլխավոր քարտուղար Յենս Սթոլթենբերգը, դաշինքի ԱԳՆ ղեկավարի հանդիպման առաջին օրվա մամլո ասուլիսի ժամանակ, գրում է TASS-ը:
«Մենք որոշեցինք, որ հիբրիդային հարձակումները կարող են հանգեցնել ՆԱՏՕ-ի Վաշինգտոնյան պայմանագրի 5-րդ հոդվածի գործի դրվելուն»,- ասել է Սթոլթենբերգը:
5-րդ հոդվածը ենթադրում է ամբողջ դաշինքի ռազմական պատասխանը` դրա անդամ երկրներից որևէ մեկի նկատմամբ ագրեսիայի դեպքում:
«Մեր կոնցեպցիան ներառում է 3 բաղադրիչ տարրեր` նախապատրաստություն, կասեցում և պաշտպանություն: Եվ մենք պետք է իրականցնենք դրանք բոլորը: Հիբրիդային մարտակոչերը ենթադրում են սպառնալիքների շատ լայն սպեկտր, այդ պատճառով էլ ՆԱՏՕ-ին անհրաժեշտ է հնարավորությունների շատ լայն սպեկտր, որպեսզի պաշտպանվի»,- ասել է նա:
