Թուրքիայի վարչապետ Ահմեդ Դավութօղլուն հայտարարել է, որ Սու-24-ի խոցման պատճառով Ռուսաստանի հետ ճգնաժամն առաջացել է ոչ Անկարայի մեղքով, հայտնում է TASS-ը:
«Թուրքիան այն կողմը չէ, որը սկսել է Ռուսաստանի հետ ճգնաժամը: Դա Թուրքիայի հետ Սիրիայի սահմանն է։ Եթե մենք գործողություն չկատարեինք օդային տարածքը խախտած ինքնաթիռի նկատմամբ, ապա մենք մեր պարտականությունները չէինք կատարի»,- հայտարարել է Թուրքիայի վարչապետը HABERTURK և Show TV հեռուստաալիքների եթերում:
Նոյեմբերի 28-ին Վլադիմիր Պուտինը հրաման է ստորագրել «Ազգային անվտանգության ապահովման ու հանցավոր և այլ հակաօրինական գործողություններից Ռուսաստանի քաղաքացիների պաշտպանության միջոցառումների վերաբերյալ, ինչպես նաև Թուրքիայի նկատմամբ հատուկ տնտեսական միջոցառումների կիրառման վերաբերյալ»: Հրամանի համաձայն, արգելք է դրվում, կամ սահմանափակվում է Ռուսաստան ներմուծվող թուրքական առանձին ապրանքների վրա, Թուրքիայի իրավասության տակ գտնվող կազմակերպությունների գործունեության վրա, իսկ 2016 թվականի հունվարի 1-ից արգելվում է աշխատանքի որոշակի տեսակներում վարձել Թուրքիայի քաղաքացիների: