Թուրքական T24 առցանց թերթի փոխանցմամբ՝ Թուրքիայի վարչապետ Ահմեթ Դավութօղլուն այցելել է ինքնահռչակ Հյուսիսային Կիպրոսի թուրքական հանրապետություն (ՀԿԹՀ), ուր հանդիպել է ՀԿԹՀ-ի նախագահ Մուսթաֆա Աքընջըի հետ։
Հանդիպումից հետո կազմակերպված համատեղ մամուլի ասուլիսի ժամանակ Դավութօղլուն հայտարարել է, որ իրենք աջակցում են 2004 թվականին ընդունված Քոֆի Անանի պլանի իրագործմանն ու հանրաքվեի անցկացմանը, ինչը կլինի հարցի մնայուն, արդար ու խաղաղ կարգավորում։
Դավութօղլուն ուշադրություն է հրավիրել նրա վրա, որ Թուրքիայի 64-րդ կառավարության ձևավորումից հետո առաջին այցը կատարում է դեպի ՀԿԹՀ, ինչի համար երջանիկ և հպարտ է. «Թուրքիան մշտապես կանգնած է Կիպրոսի թուրքերի կողքին։ Մենք մշտապես մեր հնարավորություններն ու ունակություններն օգտագործում ենք ՀԿԹՀ-ի համար և շարունակելու ենք ամեն տիպի ներդրում ունենալ ՀԿԹՀ-ում»։
