Սահմանադրական փոփոխությունների դեմ Երևանի Ազատության հրապարակում անցկացվող հանրահավաքի, երթի կազմակերպիչներն ու մասնակիցները լինելու են խաղաղ, բայց գործելու են ազատ, անելու են այն, ինչի իրավունքը տրված է ոչ միայն Սահմանադրությամբ, այլև ի ծնե:
Այս մասին հայտարարեց «Նոր Հայաստան» ճակատի քաղխորհրդի անդամ Անդրիաս Ղուկասյանը` ավելացնելով, որ դեկտեմբերի 1-ի հավաքի և երթի գլխավոր նպատակն է` սկիզբ դնել Հայաստանում քրեական ռեժիմին դիմադրելու գործողություններին: «Մեր պայքարն օրինական է և մենք իրացնում ենք մեր սահմանադրական իրավունքները, և ոչ մի զիջում չի լինի»,– ասաց նա:
Անդրիաս Ղուկասյանը նաև նշեց, որ Ոստիկանությունը զգուշացրել է, որ իրենց տրված է հրաման` լինել խիստ: