Ադրբեջանական Trend լրատվական գործակալության փոխանցմամբ՝ Ռուսաստանի ու Թուրքիայի հարաբերություններում առկա լարվածությունը վնասում է ահաբեկչության դեմ պայքարի ջանքերին։ Այդ մասին այսօր Թեհրանում կազմակերպված մամո ասուլիսի ժամանակ հայտարարել է Իրանի խորհրդարանի նախագահ Ալի Լարիջանին։
Լարիջանին ափսոսանք է հայտնել լարվածության առաջացման կապակցությամբ. «Հուսով եմ, որ այդ կոնֆլիկտի լուծման համար կգտնվի առավել ընդունելի ուղի։ Տարածաշրջանի երկրները պետք է ահաբեկչության դեմ պայքարում ընտրեն ընդհանուր ուղղություն։
Ռուսաստանի ու Թուրքիայի միջև լարվածությունը շատ է մտահոգում մեզ։ Դա ահաբեկչության դեմ պայքարի ճիշտ ուղի չէ, սխալ ընտրություն է։ Մենք շատ մտահոգ ենք այդ միջադեպի կապակցությամբ»։
