ԱՄՆ-ն, Կանադան և ԵՄ 9 երկիր զարգացող երկրներին 250 մլն դոլար կհատկացնեն գլոբալ տաքացման պայմաններին հարմարվելու համար: korrespondent.net-ի հաղորդմամբ՝ այս մասին հայտարարվել է նոյեմբերի 30-ին, Փարիզում ՄԱԿ-ի կլիմայի փոփոխության հարցերով СОР21 համաշխարհային կոնֆերանսի ժամանակ:
Այդ նախաձեռնությանը մասնակացում են Գերմանիան, Մեծ Բրիտանիան, Դանիան, Ֆինլանդիան, Ֆրանսիան, Իռլանդիան, Իտալիան, Շվեդիան և Շվեյցարիան: Մասնավորապես, Բեռլինը կհատկացնի 53 մլն, Վաշինգտոնը՝ 51 մլն, Լոնդոնը՝ 45 մլն դոլար:
Հաղորդվում է, որ միջոցները կօգտագործվեն խոցելի երկրներին օգնելու համար զարգացնել գյուղատնտեսություն վարելու նոր մեթոդներ ավելի տաք կլիմայի պայմաններում, և կլիմայական փոփոխությունների հետ կապված էքստրեմալ եղանակային պայմաններին նրանց պատրաստվածությունը բարձրացնելու համար: