Չարենցավանի մշակույթի տան բակում վաղ առավոտից իրարանցում էր: Նախ շենքի վրայից հեռացրին Դաշնակցության Այո-ի պաստառները, ապա քաղաքապետ Հակոբ Շահգալդյանի հրահանգով՝ չարենցավանցիները մասնակցեցին Այո և Ոչ-ի ռեալիթի շոուին: Հարցերն էլ հիմնականում ուղղորդված էին քաղաքապետի կողմից: Ոչ-ի ճակատում արձանագրում են՝ այստեղ էլ տեղի է ունենում վարչական ռեսուրսի չարաշահում:
Ոչ-ի ճակատի ներկայացուցիչ, ակտիվիստ Վաղինակ Շուշանյանը «Առաջին լրատվական»-ի հետ զրույցում նշեց, որ շոուի մեկնարկի պահից Ոչ-ի ճակատին նախևառաջ հետաքրքրել է՝ ինչպես է կազմակերպվում հանրության հետ շփումը։
«Կազմակերպիչները մեզ ասացին, որ ՏԻՄ – ին ասել են, իրենք ենք բերում մարդկանց, խնդրել ենք բազմիցս, որ անաչառություն պահպանեն, այլընտրանք տան մարդկանց», ասաց Վաղինակ Շուշանյանը:
Վաղինակ Շուշանյանը ասաց, որ իրենց հետ խմբակային քննարկման ժամանակ, տեսախցիկից դուրս, ուսուցիչներից շատերը խոստովանում էին, որ գյուղապետը տնօրեններին, իսկ տնօրեններն էլ ուսուցիչներին պարտադրված դասերից կտրում բերում են շոուին:
Ուսուցիչներից մեկն այնքան ոգևորված էր գովերգում, որ այսպես ասած, որ ես Այո եմ քվեարկելու, որ չփոխվի այս Սահմանդրությունը: Նրանք դժվարությամբ էին կարդում այդ հարցերը:
Ակտիվիստը պատմեց Մալիշկա գյուղում տեղի ունեցած զավեշտալի մի դեպք.
«Դեռ մեքենայից չիջած, գյուղը պատրաստ կանգնած էր, 60 հոգի դեռ դուռը չբացած սկսեցին ասել, որ․․․
Ոչ-ի ճակատը ներկայացնող Ազատ Արշակյանը գտնում է, որ ընդհակառակը, շոուի կազմակերպիչներին պետք է շնորհակալություն հայտնեն, որ հանրապետական ակտիվիստներին բերում են:
«Ոչ ասողները զգուշանում են, ոչ բոլոր Ոչ ասողները կուզենան մասնակցել շոուներին, մենք էլ վստահ չենք, որ մեր անվտանգությունը երաշխավորված է»,- ասաց Արշակյանը:
Ազատ Արշակյանը նշեց, որ որպես Ոչ-ի կողմնակից, սպառնալիքներ է ստանում, որոնք բավական լուրջ են: Նա բնական է համարում, որ իշխանություններն այս շոուին հրավիրում են իրենց մարդկանց. «Որոշ տեղերում դա հասցնում են գռեհկության, հրավիրում են խափանելու համար, բայց ընդհանուր առմամաբ տեղական իշխանություններից գոհ ենք, նրանք կազմակերպում են հանդիպումը, իհարկե, այլ նպատակ ունենալով….. »
ԱԺ Հանրապետական պատգամավոր Վարդան Այվազյանը շոուի ընթացքում ինքն իր համար ևս մեկ անգամ պարզել է, որ մեր ժողովուրդը ներքին տոկունություն և ներուժ ունի, քան որևէ մեկը կարող է պատկերացնել.
«Որևէ մեկը հուսախաբ է լինում այն բանից, որ ժողովուրդը մեկ երկու անգամ կարող է հայհոյական բան ասի: Ագարակից մինչև այստեղ եկել ենք, ամեն մի տեղ մտել ենք, մենք շատ մեծ ներուժ ունեցող ժողովուրդ ենք»:
Վարդան Այվազյանը նշեց, որ հիմա ժողովուրդն ավելի իրազեկ է, սակայն դժվարացավ պատասխանել, թե հանրության քանի տոկոսը մասնակցություն կունենա հանրաքվեին:
«Եկեք բախտագուշակի և սուրճի բաժակի մեջ չնայենք, տեղեր կան, որ զգում ենք Այո-ների գերակշիռ մասը, տեղեր կա՝ Ոչ-ը»,- հավելեց Այվազյանը: