Appleapple պարբերականը, հղում անելով Mobilechoiceuk-ի փորձագետներին, հրապարակել է արտահոսք, համաձայն որի՝ նոր iPhone 7-ը կունենա էկրանի կոր ծայրեր։
Այդպիսով՝ iPhone 7-ը մեծ մասամբ նման կլինի Samsung-ի կողմից ավելի վաղ թողարկված Galaxy S6 edge և S6 edge+ սմարթֆոններին։
Ինչպես նշում է պարբերականը՝ նոր սմարթֆոնի եզրերին կտեղակայվեն հավելյալ էկրաններ։ Դրանք չեն լինի առանձին կոնստրուկցիաներ՝ հանդիսանալով հիմնական էկրանի շարունակություն։
Սարքի ընդհանուր չափն այսպիսով չի մեծանա, սակայն էկրանի չափը կմեծանա։ Նման տեխնոլոգիան թույլ կտա Apple-ին նոր iPhone-ին տալ լիովին առանց շրջանակի տեսք։
