Եվրամիությունը միջազգային միջնորդների մերձավորարևելյան «քառյակի» շրջանակում կշարունակի աշխատել պաղեստինա-իսրայելական հակամարտության կարգավորման վրա։ Այս մասին հայտնում է Reuters գործակալությունը՝ հղում անելով Եվրահանձնաժողովի հայտարարությանը։
Գործակալության հաղորդագրության համաձայն՝ արտաքին քաղաքականության և անվտանգության հարցերով ԵՄ գերագույն ներկայացուցիչ Ֆեդերիկա Մոգերինին քննարկել է Իսրայելի վարչապետ Բենիամին Նեթանյահուի հետ ավելի վաղ Իսրայելի կողմից կայացված որոշումը՝ հրաժարվելու պաղեստինա-իսրայելական հակամարտության կարգավորման հարցում ԵՄ միջնորդական ջանքերից։