Թուրքական Habertürk թերթի փոխանցմամբ՝ Թուրքիայի արտգործնախարար Մևլյութ Չավուշօղլուն Ռուսաստանի արտգործնախարար Սերգեյ Լավրովի հետ քննարկելով «Սու-24» ինքնաթիռի հետ կապված միջադեպը՝ հիշեցրել է հարավկորեական Boeing 747 ուղևորատար օդանավի միջադեպը, որը Սախալինում խոցվել է 1983 թվականի սեպտեմբերին։
32 տարի առաջ Նյու Յորք-Անկորիջ-Սեուլ ուղղությամբ թռչող քաղաքացիական օդանավը անհայտ պատճառներով շեղվելով իր ուղղությունից՝ մուտք է գործել ԽՍՀՄ-ի օդային տարածք և Սախալինի երկնքում խոցվել Су-15 կործանիչի կողմից, ինչի հետևանքով զոհվել է 269 մարդ։
Լավրովն իր հերթին հիշեցրել է Էգեյան ծովում Հունաստանի օդային տարածքում թուրքական ավիացիայի գործունեության մասին, որն ակտիվորեն կրճատվել է միայն նոյեմբերի վերջին։
Չավուշօղլուն հայտարարել է, որ Թուրքիան բաց է Հունաստանի հետ երկխոսության համար և Աթենքի հետ մշտապես քննարկում է օդային տարածքի խախտումները։