Ռուսական RIA Novosti լրատվական գործակալության փոխանցմամբ՝ Թուրքիայի վարչապետ Ահմեթ Դավութօղլուն ՆԱՏՕ-ի գլխավոր քարտուղար Յենս Սթոլթենբերգի հետ համատեղ ճեպազրույցի ժամանակ հայտարարել է, որ Թուրքիան ցանկանում է լավ հարաբերություններ ունենալ Ռուսաստանի ու մյուս գործընկերների հետ, որոնք պայքարում են ԴԱԻՇ-ի դեմ։
Դավութօղլուն դրա հետ մեկտեղ հայտարարել է, որ Թուրքիան չի պատրաստվում «Սու-24» ինքնաթիռի խոցման կապակցությամբ ներողություն խնդրել Ռուսաստանից։
Դավութօղլուն հույս է հայտնել, որ Ռուսաստանը կվերանայի այդ միջադեպից հետո Թուրքիայի հանդեպ սահմանած սահմանափակումները, և որ Թուրքիան չի ցանկանում Ռուսաստանի հետ հարաբերությունների էսկալացում և պատրաստ է բոլոր մակարդակներով նրա հետ երկխոսությանը։
Դավութօղլուն հայտարարել է, որ բարդ է «Սու-24»-ի հետ տեղի ունեցածի նման միջադեպերից խուսափելը, երբ գոյություն ունի երկու դաշինք, որոնց ջանքերը պետք է միավորվեն։
