Georgia Online-ի փոխանցմամբ՝ Վրաստանի պաշտպանության նախարար Թինա Խիդաշելին հայտարարել է, որ Վրաստանը արդեն իսկ մեկ տարի առաջ ստեղծված հակաահաբեկչական դաշինքի անդամ է։
Խիդաշելին այդպես է պատասխանել «Իմեդի» հեռուստաալիքի լրագրողի այն հարցին, թե արդյոք Վրաստանը կդառնա՞ հակաահաբեկչական այն դաշինքի անդամ, որում կարող է գտնվել Ռուսաստանը։
Խիդաշելին հայտարարել է. «Մինչև Ֆրանսիայի ահաբեկչությունները Բրյուսելում հարձակումներ են կատարվել սինագոգերի վրա, տեղի են ունեցել նմանատիպ մի շարք իրադարձություններ։ Դուք ինձ պետք է հարցնենք, թե արդյոք մենք պատրաստվո՞ւմ ենք դուրս գալ դաշինքից, քանի որ անհնար է մտնել այնտեղ, ուր դու արդեն գտնվում ես։
Որևէ նոր դաշինքի մասին խոսք չկա։ Մեկ տարի առաջ Ռուսաստանի հետ որևէ մեկը չի խոսել։ Ռուսաստանն այդ ֆոնին է սկսել գործել Սիրիայում։ Ռուսաստանն այդ քայլին գնացել է նրա համար, որ համամասնակից դառնա Սիրիայի վերաբերյալ որոշումների կայացմանը»։
Խիդաշելին պաշտոնական այցով գտնվում է Գերմանիայում։
