Brent նավթի գինը նվազում է դոլարի ամրապնդման հաշվին և ՕՊԵԿ-ի հանդիպման նախաշեմին, որը տեղի կունենա ուրբաթ։ Այսօր առավոտվա դրությամբ Brent նավթի ֆյուչերսների արժեքը նվազել է 0.14 դոլարով և հասել մեկ բարելի դիմաց 44.72 դոլարի, իսկ WTI նավթի ֆյուչերսները թանկացել են 0.04 դոլարով՝ հասնելով 41.75 դոլարի։ Այս մասին հայտնում է «Սվոբոդնայա զոնա» կայքը։
Նոյեմբերին գները կարող են նվազել մոտ 10 տոկոսով՝ համաշխարհային շուկայում նավթի ավելցուկի և դոլարի փոխարժեքի աճի հաշվին, որոնք պայմանավորված են դեկտեմբերին Դաշնային պահուստային համակարգի տոկոսադրույքների բարձրացման սպասումներով։
Դոլարի ինդեքսը հիմնական 6 արժույթների զամբյուղի նկատմամբ այսօր կաճի մոտ 0.1 տոկոսով։ ԱՄՆ-ում զբաղվածության մասին ուրբաթ հրապարակվելիք հաշվետվությունը կազդի տոկոսադրույքների մասին Դաշնային պահուստային համակարգի որոշման վրա, որը կընդունվի դեկտեմբերի 15-16-ը կայանալիք հանդիպմանը։