Թեհրանի սիմֆոնիկ նվագախմբի հայտնի կոմպոզիտոր և գլխավոր դիրիժոր Ալի Ռահբարին հայտնել է, որ Թեհրանում նախատեսված համերգը չեղյալ է հայտարարվել, քանի որ նվագախմբում կան կանայք, հայտնում է BBC-ն:
Համերգը պետք է տեղի ունենար անցյալ շաբաթ, սակայն սկսվելուց 15 րոպե առաջ չեղյալ է հայտարարվել:
«Արդեն աթոռները տեղադրվել էին, և ամեն ինչ պատրաստ էր, սակայն հանկարծ` այն բանից առաջ, երբ պետք է սկսեինք կատարել ազգային հիմնը, նրանք հայտարարեցին, որ բեմի վրա չի կարող կին լինել»,- ասել է Ռահբաին France Presse-ին տված հարցազրույցում:
Դիրիժորի խոսքով, նա պատասխանել է, որ առանց կին երաժիշտների հնարավոր չէ ելույթ ունենալ, սակայն չի նշել, թե հատկապես ով է տվել այդ հրամանը:
1979 թվականի իսլամական հեղափոխությունից հետո Իրանում կանանց արգելված է անհատական ելույթներ ունենալ: