Անգլիայի ֆուտբոլի ասոցիացիայի ղեկավար Գրեգ Դայքը Պրեմյեր լիգայի գործադիր տնօրեն Ռիչարդ Սկադեմորի հետ քննարկելու է Պրեմյեր լիգայում ակումբների թվի կրճատման հարցը: Այս մասին գրում է «The Times»-ը:
Անգլիայի ֆուտբոլի ասոցիացիայի կարծիքով՝ ակումբների թիվը հասցնելով 20-ից 18-ի՝ կարելի է խիտ օրացույցն ավելի թեթև դարձնել: Այս պայմաններում Պրեմյեր լիգայի առաջատար ակումբները հնարավորություն կունենան ավելի երկար հանգստանալու, ինչը միտված է լինելու եվրալիգաներում թիմերի ավելի հաջող ելույթ ունենալուն:
Նշենք, որ այս փոփոխությունը կարող է կատարվել միայն 2019 թվականից հետո, երբ լրանում է ԱՊԼ-ի հեռուստատեսային պայմանագրի ժամկետը:
Նշենք, որ 1995 թվականին ԱՊԼ-ի ակումբների թիվը 22-ից նվազեցվեց 20-ի: