ԱՄՆ իշխանության ներկայացուցիչները հրաժարվում են հարվածել ԴԱԻՇ-ի բեռնատարներին, որոնք իրաքյան և սիրիական նավթը փոխադրում են Թուրքիա՝ իրենց որոշումը պատճառաբանելով նրանով, որ այդ թիրախները «քաղաքացիական» են: RIA Novosti-ի փոխանցմամբ՝ այս մասին հայտարարել է Իրաքի ազգային անվտանգության գծով նախկին խորհրդական և «Օրենքի պետություն» խորհրդարանական կոալիցիայի առաջնորդներից մեկը՝ Մուվաֆակ ար Ռուբային:
«Անձամբ ես մի քանի անգամ դիմել եմ Իրաքում ԱՄՆ պաշտոնական ներկայացուցիչներին ԴԱԻՇ-ի բեռնատարներին հարվածելու խնդրանքով, որոնք իրաքյան և սիրիական նավթը տեղափոխում են Թուրքիա, սակայն, ցավոք սրտի, ինձ պատասխանել են, որ այդ թիրախները քաղաքացիական են, և իրենք չեն կարող հարվածել դրանց»,- ասել է նա Sputnik գործակալությանը:
Չորեքշաբթի Ռուսաստանի ԱԳ նախարար Սերգեյ Լավրովը ուշադրություն է հրավիրել այն բանի վրա, որ ռուսական «Սու-24» ինքնաթիռի դեպքը տեղի է ունեցել Սիրիայում ԴԱԻՇ-ի նավթահանքերը ռմբակոծելուց հետո: