Հայաստանի տեղեկատվական և հաղորդակցության տեխնոլոգիաների (ՏՀՏ) մի շարք ընկերությունների նախաձեռնությամբ ստեղծվել է տեղեկատվական և հաղորդակցության տեխնոլոգիաների գործատուների միությունը: «Կոնգրես» հյուրանոցում Հայաստանի արդյունաբերողների և գործարարների միության նախագահ Արսեն Ղազարյանն «Առաջին լրատվական» -ի հետ զրույցում ասաց, որ ՏՀՏ ոլորտի ազդեցությունը տնտեսության վրա շատ մեծ է. «Գրեթե չկա մի ճյուղ, որտեղ այսօր թվային համակարգման կարիք չլինի: Առանց տեղեկատվական տեխնոլոգիաների ուղղակի կիրառման մենեջմենտը հետ է մնում ոչ միայն արտաքին շուկայից, այլ նաև ներքին շուկայում համագործակցությունից: Ընկերության սեփական կայք ունենալը և դրանով նաև առևտուր կառավարելն անհրաժեշտություն է, այսինքն՝ ակնհայտ է, որ ՏՀՏ գործիքակազմը, ինչպես փոխադրումները, մեքենան, վառելիքը, դարձել է անհրաժեշտ բոլոր ճյուղերում»:
Մանրամասները՝ տեսանյութում: